Këtë verë, Leonidha Fuqi, vet i katërt (bashkë me Tomor Ganellarin, Sandër Fuqin dhe Vangjel Nence), u ngjit në malet e bllokut të Pindit si dhe vizitoi fshatra të komunitetit të Vllehëve atje.

Malet e Pindit janë një vargmal me gjatësi 160 km dhe gjërësi 56 km. Këta male bëjnë pjesë në vargun malor bashkë me male nga vargmali i Gramozit si mali i Peristerit dhe ai i Mecovës. Maja më e lartë është Smolika 2637m (në jug-juglindje të Gramozit).

Ngjitjet e para katërshja si më sipër, i bëri në malet reth Mecovës; 1657 m i lartë. Një mal ky i bukur i pajisur me sinjalistikën përkatese për haiking. I gjithë udhëtimi ishte mes pemëve dhe në kthim u vizitua dhe qyteza turistike e Mecovës, një nga qendërat kjo e komunitetit arumun (vëlleh) në Greqi.

Ngjitjen e dytë grupi e bëri në majën më të lartë të këtij blloku malor, Smolika 2637 m. Kjo ngjitje u realizua nëpërmjet itenerarit: Leskovik – 3 urat – Konicë për gati 34 km udhëtim me makinë. Nga Konica shkuan në fshatin Pados, një nga fshatrat ky, nga realizohen ngjitjet për në majë dhe e kaluan natën në tenda. Të nesërmen realizuan ngjitjen; për gjashtë orë arritën në majë.

Itenerari i ngjitjes kalonte më së shumti mes pyjeve me pisha, mbi të cilat shtriheshin kullotat. I gjithë itenerari kishte sinjalistikë orientuese dhe burime ujore.

Një përshkrim nga Heral Saraçi:

Ndërmjet datave 8-11 Korrik u zhvillua një ekskursion nëpër Bjeshkët e Namura. Nisja u bë në orën 13:00 nga lagjia Kukaj – Valbonë. U ndoq shtegu në drejtim të majës së Roshit. Në afërsi të kreshtës, në lartësinë 2200 m, u vazhdua në të majtë në drejtim të liqeneve të Jezerës.

Nata u kalua në tenda në lartësinë 2100 m. Në mëngjesin e datës 9 u arritën liqenet e Jezerës. Maja e Jezerës, 2696 m e lartë, u arrit në orën 17:15. Pas një pushimi për të soditur, u vazhdua me zbritjen në drejtim të Valbonës.

Nata u kalua në lartësinë 2400 m. Të nesërmen udhëtimi vazhdoi drejt fshatit Rrogam. Rreth orës 10:00 u arrit Qafa e Valbonës. Më tej eskursioni vazhdoi në drejtim të Thethit që u arrit rreth orës 13:30.

24 qershor

Këtë ditë, në Kafe Blessed në Tiranë, u mblodh “samiti” i disa prej anëtarëve nga më të vjetrit e Shoqatës (SHBAT) tonë.

Takimi ishte i formës “të jemi bashkë për një-dy orë”. Bisedat ishin të lira por nuk ngelën pa u cekur edhe planifikimet e veprimtarive vjetore, si dhe tema familjare. Pati edhe pagesa të kuotave vjetore 😊.

Data 27

Asim Toro, Heral Saraçi, Dion Biça dhe Florjan Sini ndërmorrën udhëtimin për në Lëpushë për tu ngjitur në majën e Trojanit (2.190 m) dhe kthimin.

Dita me ajër të pastër dhe diell bëri që fotot që ata na sollën të na përcillnin edhe ne të tjerëve që nuk ishim me ta, kënaqësinë e të qënit në mal.

Shbat